სსიპ საქართველოს ტურიზმის ეროვნული ადმინისტრაციის ინიციატივით შექმნილია ახალი პლატფორმა places.georgia.travel.
პლატფორმა აერთიანებს საქართველოში არსებულ ტურისტულ ობიექტებსა და სერვისებს, რაც ადგილობრივ და საერთაშორისო ვიზიტორებს საშუალებას აძლევს მარტივად მოძებნონ სასურველი ობიექტი და მომსახურება თემატიკის, ინტერესებისა და ადგილმდებარეობის გათვალისწინებით.
გარდა ამისა, ტურიზმის ინდუსტრიისა და მომიჯნავე სექტორების წარმომადგენლებს ეძლევათ საშუალება პლატფორმაზე ასახონ საკუთარი სერვისები და პროდუქტები, ამავდროულად ავტომატურად მოხვდნენ საქართველოს ტურიზმის ეროვნული ადმინისტრაციის ერთიან ბაზაში. ინფორმაცია ხელმისაწვდომი იქნება როგორც საქართველოში მოგზაურობით დაინტერესებული პირებისთვის, ისე ტურიზმის სექტორში მომუშავე ბიზნესებისა და სხადასხვა უწყებებისთვის. რეგისტრაცია არის უფასო.
საქართველოს კანონმდებლობის მიხედვით, გიდებისთვის, ტურისტული სააგენტოებისა და ტუროპერატორებისთვის მიმდინარე წლის პირველი ივნისიდან ძალაში შევიდა აღნიშნულ პლატფორმაზე სავალდებულო რეგისტრაცია. რეგისტრაციის ვადა არის 2026 წლის ბოლომდე, ჯარიმა ამოქმედდება 2027 წლის 1 იანვრიდან.
გიდის რეგისტრაციისთვის სავალდებულოა:
- პირადობის დამადასტურებელი მოწმობის წინა და უკანა გვერდის ატვირთვა;
- უნდა მონიშნოთ დასაქმებული კომპანიის მიერ, იმ შემთხვევაში, თუ ერთ კომპანიაში ხართ მუდმივად დასაქმებული და ატვირთოთ ცნობა კომპანიიდან.
- ან უნდა მონიშნოთ თვითდასაქმებული და ატვირთოთ ამონაწერი მეწარმეთა რეესტრიდან.
რეგისტრაციის ბმული : https://places.georgia.travel/platform/login
ვიდეო ინსტრუქცია: https://places.georgia.travel/chvens-shesakheb
სსიპ საქართველოს ტურიზმის ეროვნული ადმინისტრაციის შესახებ მეტი ინფორმაცია იხილეთ ოფიციალურ ვებ-გვერდზე: https://gnta.ge/